Laboratori Dr. Limbach në Tiranë:
Më shumë se një laborator, një epokë e re në Diagnostikën Laboratorike Shqiptare Laboratori Dr. Limbach në Tiranë është një qendër moderne dhe e specializuar diagnostike, pjesë e rrjetit më të madh laboratorik në Evropë. I ndodhur në zemër të kryeqytetit dhe i ndërtuar mbi një sipërfaqe prej mbi 600 m², laboratori është projektuar sipas modelit të laboratorit qendror të Heidelberg në Gjermani, duke kombinuar konceptin “open-space” me një infrastrukturë të optimizuar për efikasitet maksimal dhe siguri të lartë.

Gama e plotë e analizave laboratorike
Laboratori ofron një gamë të gjerë shërbimesh diagnostike, që mbulojnë të gjitha disiplinat kryesore laboratorike:

• Hematologji
• Patologji klinike (biokimi klinike)
• Imunologji
• Mikrobiologji klinike
• Cito- dhe histopatologji
• Gjenetikë humane

Në rastet kur analiza të veçanta, si testet gjenetike të thelluara ose ekzaminimet histopatologjike, nuk realizohen lokalisht, ato kryhen brenda rrjetit të Dr. Limbach në Gjermani, duke ruajtur të njëjtin standard të cilësisë, me integrim të plotë logjistik. Për më tepër, në rastet që kërkojnë interpretim të specializuar si psh. këshillim gjenetik, ofrohet mundësia e konsultimit direkt me ekspertë të fushës, kolegët tanë të Limbach Gruppe në Gjermani, shumë prej tyre profesorë të atashuar me qendra universitare dhe institute kërkimore. Transport inovativ i mostrave

Transport inovativ i mostrave
Në përputhje me standardet më të larta të Bashkimit Europian, ne jemi i vetmi laborator në Shqipëri që realizon transportin e mostrave biologjike të ndjeshme në temperatura ultra të ulëta (-40°C deri -80°C), përfshirë përdorimin e azotit të lëngshëm, një praktikë inovative për vendin tonë, që garanton ruajtjen e integritetit të mostrës dhe cilësisë së analizës.

Cilësi e certifikuar ndërkombëtarisht
Për të siguruar besueshmërinë e rezultateve, laboratori merr pjesë katër herë në vit në kontrolle të jashtme të cilësisë (EQA), të organizuara nga institute të pavarura ndërkombëtare. Gjatë këtyre proceseve, analizohen mostra me vlera të panjohura, dhe rezultatet tona krahasohen me vlerat e referencës për të verifikuar saktësinë dhe qëndrueshmërinë e diagnostikës.

Investim i vazhdueshëm në dije dhe shkencë
Laboratori investon vazhdimisht në edukimin profesional të stafit mjekësor dhe teknik, duke mbështetur pjesëmarrjen në konferenca ndërkombëtare dhe trajnime të specializuara. Për më tepër, ne nxisim dhe mbështesim kërkimin shkencor, me studime që shpesh publikohen në revista ndërkombëtare të indeksuara me faktor të lartë impakti, duke kontribuar në zhvillimin e shkencës në Shqipëri.

Promotorë të inovacionit në Shqipëri
Laboratori është lider në sjelljen e metodave të reja diagnostike në vend, duke rikujtuar ndër të tjera:

• Citologjinë Likide (ThinPrep®) dhe CINtec® PLUS për depistimin e kancerit të qafës së mitrës
• Analizimin e mikrobiotës intestinale përmes NGS (Next Generation Sequencing)
• Sekuencimin e të 46 kromozomeve nëpërmjet testit prenatal jo-invaziv (NIPT)

Laboratori Dr. Limbach në Shqipëri përfaqëson jo vetëm një standard të ri të cilësisë dhe transparencës, por edhe një angazhim afatgjatë për zhvillimin e mjekësisë moderne në vend. Me një qasje të bazuar në shkencë, etikë dhe inovacion, ne jemi partneri i besueshëm për për shëndetin si nga profesionistët e shëndetit por edhe pacientët që na besojnë çdo ditë.